Nýtt plan

Jæja gott fólk, í góða veðrinu og pallasmíðinni um helgina var tekin sú ákvörðun að skella upp stóru partýtjaldi á pallinum og hafa veisluna þar. Þá geta nefnilega allir setið til borðs í sama rými og það finnst okkur miklu skemmtilegra.

Kjóllinn fundinn

Það er eins og kýrin Ljómalind sagði, "Aldrei segja aldrei Guttormur". Kjóllinn fannst þar sem ég var upphaflega ákveðin í að leita ekki einu sinni. Það er svona, stundum vill maður bara eitthvað allt annað en maður heldur.

Boðskortin farin

Þá eru boðskortin farin í póst og má vonandi fara að búast við gestum hingað :) Við viljum endilega heyra frá ykkur sem fyrst hvort þið ætlið ekki örugglega að koma. Þið getið hringt í okkur, sent okkur póst eða látið í ykkur heyra í athugasemdum hérna á síðunni.